影片
更多
2019-01-02
171 浏览
今次系我第一次喺Openrice写食评，因不吐不快。见到Openrice咁多人畀咁高评分俾呢间餐厅 ，所以就特登嚟呢间试下， 点知完全中伏。叫咗食评盛赞的海胆risotto，烧羊架，海鲜意粉, 仲有一个唔记得叫乜嘅starter。其实，食物卖相系几吸睛嘅 ，但系食品个combination都好古怪 。首先starter好普通，跟住risotto啲奶味好重，海胆又好一般 ， 分开食都ok嘅 ，夹埋食就各不相让，blend唔到，好古怪。 千祈唔好用张紫菜包住嚟食，因为啲饭热，张紫菜包埋啲饭度就淋pat pat, 包唔到兼好难食。一个 想做fusion，但又fusion失败的食品。烧羊架，只有雪味无调味，更无羊肉味。见到pat 薯蓉,已看出是现成薯粉加水开出来，不是真薯仔做的。我朋友即刻面㶶，食落果然是。一个三、四百元的主菜，side dish竟然cheap到用现成薯粉开水做薯蓉奉客，使唔使咁懒，薯仔好贵咩，赚到咁尽呀。海鲜意粉是 唯一我哋觉得好食嘅。份量是意大利 餐厅嘅antipasto份量， 但收你一个 main course嘅价钱。 又系一句，使唔使赚到咁尽呀。最后要comment嘅就
叫咗食评盛赞的海胆risotto，烧羊架，海鲜意粉, 仲有一个唔记得叫乜嘅starter。
其实，食物卖相系几吸睛嘅 ，但系食品个combination都好古怪 。首先starter好普通，跟住risotto啲奶味好重，海胆又好一般 ， 分开食都ok嘅 ，夹埋食就各不相让，blend唔到，好古怪。 千祈唔好用张紫菜包住嚟食，因为啲饭热，张紫菜包埋啲饭度就淋pat pat, 包唔到兼好难食。一个 想做fusion，但又fusion失败的食品。
烧羊架，只有雪味无调味，更无羊肉味。见到pat 薯蓉,已看出是现成薯粉加水开出来，不是真薯仔做的。我朋友即刻面㶶，食落果然是。一个三、四百元的主菜，side dish竟然cheap到用现成薯粉开水做薯蓉奉客，使唔使咁懒，薯仔好贵咩，赚到咁尽呀。
海鲜意粉是 唯一我哋觉得好食嘅。份量是意大利 餐厅嘅antipasto份量， 但收你一个 main course嘅价钱。 又系一句，使唔使赚到咁尽呀。
最后要comment嘅就系卫生程度十分不理想，枱面污糟。经过个厨房见到入面 啲污糟碗碟堆到 乱糟糟，好恐怖。 个厨房面积好细，只能够容许最多两个人一齐喺入面工作， 仲要好难转到身𠮶 只，完全解释到点解间餐厅出菜咁慢 。
其实最初点四个dishes,觉得好食嘅话会叫多啲嘢嚟食。但系食完之后，我同朋友决定唔再order任何食品，因为间餐厅只得装修、但环境极挤迫，食物卫生不合格，却收中高档西餐厅的价钱。
结论，只适宜到此餐厅吃set lunch的pasta,因pasta简单又几好味，百多元就有交易，食完就走。
P.S.餐厅极细，坐得好迫，完全不适合静静的聊天。隔离枱四、五个人饭聚，佢地D老朋友对话声声入耳，想唔听都唔得，好有茶餐厅搭枱feel。
张贴