Bingo & Cook (駱克駅) (已搬遷) 新店位置

今日同事又带我去食韩国嘢，一入到去感觉都几舒服，因为楼底高，空间感好好，装修简单得黎都几靓，四个女子叫左一个部队锅($180)、海鲜葱饼($110)、韩式无骨烤鸡(原味$158)、牛肉炒粉丝($98)以及四杯饮品。呢度既侍应并非香港人，所以要用英语沟通，即使唔识，都可以指住餐牌叫，餐牌有中文。好快就黎左部队锅($180)，连埋个炉自己开火慢慢煮，有半个即食面、肠仔、茄汁豆、菜、猪肉、葱、鱼片、年糕等，都几丰富，味道OK韩式无骨烤鸡(原味$158)有13件鸡加2件小粟米及2粒薯仔，有3个汁提供可以点，但我食唔出系咩酱，各有特式，鸡微辣，但整体都好好味！海鲜葱饼($110)有菜、鱿鱼、红椒青椒等，感觉料都多唔会净系粉，而且不会糊口，都不错！牛肉炒粉丝($98)的牛肉份量都几多，加埋红椒青椒和洋葱等，粉丝淋得黎有口感，我几钟意。我叫𠮶杯系蓝苺奶昔($58)，卖相好靓，甜甜地而smoothie，有少少碎冰在当中！成件事好满足！