千海水產海鮮火鍋放題

营业中

休息中

爸爸妈妈结婚周年纪念，咁就预早book咗呢一间嚟个午市放题等佢哋开心吓。之前同事有食过，提醒我新会员开Apps，可以有鸳鸯汤底。横掂落单都系用Apps咁就开。但喺Apps𠮶度揿完鸳鸯锅，佢就冇反应，跟住以为佢冇得特别选择，就照落单，后来就嚟咗个冬阴功单锅。本来系想要椰子鸡拼冬阴功，跟住同职员讲，职员就话唔应该系个Apps里边落单，应该要嘟QR code。但系嘟完个QR code都系跳返去个Apps里便，呢个完全理解唔到佢𠮶个系咩理论。理论完用咗半个钟头时间，先至上返个鸳鸯锅俾我哋。如果唔系屋企人结婚周年唔食得辣，都唔会咁坚持要转返鸳鸯锅。除咗呢一开始嘅不愉快经历，其他大致上系满意。 不过食物质素𠮶方面海鲜系新鲜，蟹食到有海水味，虾又大只，又爽口。个冬阴功汤底味道好过椰子鸡。自家制嘅意大利雪糕都好出色，唔会太甜。另外个鹅肝都好大件，比起好多酒店嚟讲相当大方。唯独是系啲点心唔热；海参出咗一轮，净系入座时影咗张相都未食，十几分钟已经无晒又冇refill到；同埋煲肉燥太过肥腻；乳鸽上咸咗少少，其他都相当出色。事次用餐为自费，评论只限于该次用餐体验。