影片
更多
2019-03-20
751 浏览
Ecriture喺法文系解作writing，笔者朋友就将佢译成书法。唔知道会唔会偏离咗原意，但系自己觉得听上去更写意。书法二字听上去可能系好刻板，但系我只可以话成间餐厅都布满咗惊同喜。事不宜迟，开始讲下整体观感先。景观方面，因为家母都几睇重个景，所以我系订枱嘅时候注明想要张window table。好可惜，当日天阴阴仲有段时间有雨，大刹风景。 另外嘅系其实餐厅嘅景观系俾好多栋大厦遮住咗，所以冇预期中咁靓。服务方面，可能系餐厅始终比较新，几位侍应睇上去年资比较短。serve我地𠮶个有几个唔小心嘅位犯咗错，隔离枱𠮶个直头连个甜品都跌咗，实在系有啲大意。如果大家对服务依个范畴系要求好高，什至难听啲讲句系吹毛求疵嘅话，可能就要重新考虑下要唔要因为佢系新上榜嘅宠儿就慕名而来啦。另外嘅系几位侍应系介绍菜色或酒嘅时候语速好快，中间亦冇啲停频位。可能系我英文听力未够好，当侍应介绍紧枝酒嘅时候系完全跟唔切，只可以捉到一两个palate note嘅keyword。而去到介绍前菜嘅时候直头系跟甩咗。食物方面，唔计甜品嘅话小弟会俾8／10。计埋甜品我就宁愿唔俾分，唔想去破坏依一个体验。食物创意同处理上都做得好
事不宜迟，开始讲下整体观感先。
景观方面，因为家母都几睇重个景，所以我系订枱嘅时候注明想要张window table。
好可惜，当日天阴阴仲有段时间有雨，大刹风景。
另外嘅系其实餐厅嘅景观系俾好多栋大厦遮住咗，所以冇预期中咁靓。
服务方面，可能系餐厅始终比较新，几位侍应睇上去年资比较短。
serve我地𠮶个有几个唔小心嘅位犯咗错，隔离枱𠮶个直头连个甜品都跌咗，实在系有啲大意。
如果大家对服务依个范畴系要求好高，什至难听啲讲句系吹毛求疵嘅话，可能就要重新考虑下要唔要因为佢系新上榜嘅宠儿就慕名而来啦。
另外嘅系几位侍应系介绍菜色或酒嘅时候语速好快，中间亦冇啲停频位。
可能系我英文听力未够好，当侍应介绍紧枝酒嘅时候系完全跟唔切，只可以捉到一两个palate note嘅keyword。而去到介绍前菜嘅时候直头系跟甩咗。
食物方面，唔计甜品嘅话小弟会俾8／10。
计埋甜品我就宁愿唔俾分，唔想去破坏依一个体验。
食物创意同处理上都做得好好，只系份量较细。
可能女仕们会啱啱好，但系男士们一齐食饭嘅话，不妨试下佢个5 course，成个流程慢啲更易饱肚。
系时候讲下每一道菜。
两个amuse boche用嘅食材都好特别，处理手法都比较少见，系到就唔剧透。
佢的而且确系完成到amuse我地依个任务。
前菜系amaebi，译就译做甘海老，但系个size就似系甜虾多啲。唔知道系我一直都有个错误观念定系真系用大细嚟区分，有机会嘅话指正下我唔该哂。
道菜用咗beetroot去衬托返个虾，本身以为两个个甜唔会夹，加上一个黏口，一个爽口，会唔会太复杂。
反而几有惊喜嘅系正正就系红菜头个爽口嘅感觉搭到虾个黏口，加上厨师将个红茶头切得好薄，令到佢唔会喧宾夺主。
唔会抢到虾个鲜甜之余，亦唔会月明星稀令到自己完全失色。
可惜就系份量比较少。
主菜就系个Game pie。得意嘅系餐厅标明用嘅真正野生打猎得返嚟嘅肉，所以入边有机会会有弹壳或系碎骨。
抽到前者嘅话，可能系你吉日都唔定。抽到后者嘅话，记住同返餐厅讲啦。
系落单之先，我有问过实质上用咗边几种肉，冇记错嘅话系Venison同veal，再加foie gras，
但系唔知会唔会因为季节转变而换食谱什至系成份menu换，所以大家见到依道菜嘅时候又唔怕食到啲奇奇怪怪嘅肉种嘅话真系可以试下。
先讲出面层pastry，我个人好满意。佢冇因为内层嘅肉好多汁而变软，唔知系咪因为佢个pie顶有个窿，所以有个咁嘅效果，无论如何个外层值得一赞。
入边嘅肉亦处理得好好，口感分明之余仲可以食得出系边两种肉。味道亦唔会话太淡或太咸。
净低个foie gras未曾提及，可能系我本身自己对内脏系有份说不出嘅偏好，我嘅意见可能会有偏颇。
但系不得不赞嘅系佢仲系好软身但系仍然有咬口，个油香亦都好足够。亦系因为咁先觉得冇将个皮整淋先系厨师功架所在。
本身以为个game pie一系就会焗淋个皮，一系就焗干啲肉，但系依两个尴尬场面都冇出现到，真系值得一赞。
去到甜品环节，本身我就唔系一个好嗜甜嘅人，对甜品要求相对上亦比较低，但系几个甜品得一样系好食…
先讲menu上有嘅Japanese yuzu，我本来以为佢会系用返柚子嘅形态，或者最基本系用柚子做主体去呈现依道甜品。
但系事与愿违，佢将贬作一介配角，仲要一套烂片嘅配角。
试想下揾咗Gary Oldman 嚟做TBB啲八点档，嗯，希望你想像到个吊诡之处。
我个睇法系佢想表演好多嘢，但系将所有嘢炒埋一碟唔系一个合适嘅手法。
总括而言，眼高手低。
下一个系Chocolate cake with cognac，其实冇咩地方值得着墨。
提下大家，唔钟意重酒味嘅就唔好叫佢落哂，佢个份量都几多下，
家母就系因为咁就俾咗佢𠮶份我。
之后平平无奇嘅一件pastry反而系咁多甜品入边最出色。
牛油同糖，加上师傅手势，已经系个好好食嘅甜品。
依份Kouign amahn个顶除咗会话有艺术感之余，佢都话咗俾你听佢到底有几多层，同埋师傅花咗几多心思去对待佢。
但系当然佢唔会系menu上担大旗嘅𠮶位，但系蜀中无大将，单凭味道我觉得佢应记一功。
去到最后嘅蜜瓜，可能系前面太甜，去到依到亦试唔出佢到底甜唔甜。但系口感就真系同日本当地食嘅争得有啲远。
餐茶（可能俗咗啲唔好意思），我嗌咗杯Latte。
经过上次系Bombana嘅失落之后，我对餐厅嘅咖啡都唔抱太大期望。
依杯亦不出我所料，比较普通。
反而有趣嘅系佢个presentation，用咗个日本茶杯去表达返依间主打掺合日本食材落法式手艺嘅餐厅背后个玩味所在。
同埋佢个咖啡糖成枝lollypop咁，我当时真系当正佢系波板糖咁食，希望其他食客唔会反胃啦。
总括而言，依间米芝连两星新宠系食物上功架可见一班，唯独系甜品方面要再下功夫。
佢个甜品我会话同Bombana嘅一样拉低哂成个水准。
想试嘅朋友不妨揾个春光明媚嘅weekend去试下依间餐厅，睇下佢表唔表达writings in French依个理念俾大家？
Amaebi
57 浏览
0 赞好
0 留言
题外话/补充资料：
记住要透过网站订位，同埋要俾返餐牌价钱做押金。
(以上食记乃用户个人意见 , 并不代表OpenRice之观点。)
张贴
