Bistro Hoi An

营业中

休息中

行完千岛湖，谂住揾个地方好好地食一餐。点知去咗呢间越南餐厅，外边睇落都几靓，好似会安咁好啰个灯笼。点知坐埋去嘢食一碗粉要$100 ，一杯嘢饮$60 ，仲要再加一谂住你收得呢个价钱服务同埋嘢食都一定会有返咁上下。点知一举手咩都未嗌，个经理就即刻话我催佢叫我放返低只手。跟住嗌完嘢食，食到一半，揿一揿手机，个经理已经即刻想收走你换嘢，好似想讲你走咁。然后食完之后叫经理嚟收钱，佢仲挂住同隔篱𠮶台喺度讲紧啤酒，跟住仲要多谢人哋嗌佢杯啤酒，完全收紧钱都冇多谢过我哋呢一台。好似睇我哋唔到咁。完全有晒香港食肆一贯嘅作风，食完叫你快啲走。啲位又唔系好坐，都系两个四人枱分做两人枱咁坐。30分钟到已经俾咗差唔多$400 ，但系完全觉得啲嘢系好一般，喺旺角食一碗越南粉都好食过佢𠮶只，然后态度又讲你走咁样又嫌你催佢，俾我就真系唔会再嚟食过。价钱贵，性价比低，态度差，坐位麻麻，系得啲灯笼靓。如果呢间嘢系俾我食啲灯笼或者会觉得值得多啲。总之下次嚟俾我拣，我宁愿食麦当劳都唔会再食佢。希望大家睇完我呢篇文章，可以有少啲人中伏。因为真系好鬼嬲。