味力HK (已結業)

呢间餐厅开咗都冇一个月, 每次经过都唔会太多人等位, 今日特登去试食, 大概1:20左右, 门口冇人等位, 但里面已入座8成人, 一行4人, 因为冇卡位, 所以坐大圆枱同其他人一齐坐, 店内环境都舒适, 唔会有太大压迫感, 午餐餐牌同普通茶记差唔多, 只系装修呢到特别啲同新啲, 午餐有啲可以跟薯菜, 一见到碟野就谂起旧式快餐店啲薯条同杂豆, 呢到可以同鸿图饭堂比较, 当然呢到系好少少既, 炒野都不错干炒鸡丝河 - 卖相不错, 写系写鸡丝, 但出到嚟系鸡柳, 不过我钟意鸡柳多过鸡丝, 味道可以, 河粉够滑磨菇汁牛扒薯菜 - 卖相一般, 可以喺配菜上面花少少花思, 食果个都食得开心啲, 牛扒都好软熟粟米龙脷柳薯菜 - 卖相一般, 龙脷柳肉都好嫩口冻朱古力 - 都OK冻柠茶 - 茶底浓, 味道都系一般总结 : 唔知系侍应听唔清, 定我地讲得差啦, 落错晒啲单, 冻朱古力变冻奶茶, 冻柠茶变热柠茶, 午餐价钱同区比都唔算太贵, 最令我难忘既系睇到张新春菜单, 八千几蚊一席12位食晚宴, 真系吓亲, 另外有个系三千几蚊12席应该都系晚宴餐单, 好坦白讲, 除非系私房菜, 如果唔系一般人都会去酒楼