冬蔭公公 (已結業)

十点几先得闲食晚饭，见冬阴公公仲有好多食客一于试下佢。一入门口，有个男侍应大叫“唔系吖嘛，十点几仲有客”，咁……我仲食唔食好呢？此时有另一个女侍应带位入坐，算啦，一场黎到食一食佢。冬阴鱼腐米线，鱼腐有三块，软软的都几好味，汤底酸酸辣辣，好开胃，大爱配料嘅芫荽同花生。金菇肥牛卷，好有牛味，但金菇太韧，好难咬开。旁边有个咸咸地嘅酱料，有少少蒜头味，几特别。要了一杯冻柠蜜，柠味同蜜糖味比例唔错，好饮。食物是几好的，但系啲侍应态度吓人，一路食一路用漂白水拖地。其实当时好多食客，点解要拖地呢？抹完地下嘅布又用黎抹枱，好唔卫生。另外侍应谈笑间不断用粗口互相问候，又不停问收得工未，做死人咁，真系好难再帮衬啰。