影片
更多
2023-07-21
1293 浏览
🍽️🍰🍱历山酒店Semi-buffet lunch 今次系因为公司活动，吾洗钱有得食，只有星期一至五有semi-lunch buffet，上网睇约$300，假期会系早午餐，价钱会吾同。首先，酒店内部的确好grand,但门口吾系甘易揾，同一般酒店有个大门吾同，呢到要行过一个几窄嘅门口，再搭扶手电梯落一层，仲要绕过餐厅及宴会厅门口才到lobby。讲返semi-buffet lunch先，有刺身、焗蚝、几款海鲜如虾、螺、冻盘、沙律、餐汤、4款生果、甜品、窝夫、饮品，雪糕吾包，要另外俾$20一杯。服务都好好👍🏻收碟快，职员有礼貌，一叫就埋黎吾会扮见吾到。🔘刺身🍣有三文鱼、吞拿鱼、鱿鱼及甜虾4款，有师傅现场切，一个人佢每款都会厚切4件，鱿鱼冇试，甜虾ok的，但三文鱼同吞拿鱼感觉一般，三文鱼见到有黑点，吞拿鱼口感较差。🆗餐汤🥫有中西汤各一款，今次试左西汤磨菇汤，有d稀，但味道ok，见到有蘑菇粒，应该吾系金宝汤开出黎。🆗沙律🥗及冷盘🦪沙律正常，有沙律菜、罗马生菜、粟米粒、红腰豆、脆面包粒、芝士粉及几款沙律酱。冷盘有几款，麻辣茄子吾错，够麻辣惹味，另外烤椰菜花都好味，醋云耳冇咩味，而长通粉就感觉未够熟，
历山酒店Semi-buffet lunch
今次系因为公司活动，吾洗钱有得食，只有星期一至五有semi-lunch buffet，上网睇约$300，假期会系早午餐，价钱会吾同。
首先，酒店内部的确好grand,但门口吾系甘易揾，同一般酒店有个大门吾同，呢到要行过一个几窄嘅门口，再搭扶手电梯落一层，仲要绕过餐厅及宴会厅门口才到lobby。
讲返semi-buffet lunch先，有刺身、焗蚝、几款海鲜如虾、螺、冻盘、沙律、餐汤、4款生果、甜品、窝夫、饮品，雪糕吾包，要另外俾$20一杯。服务都好好👍🏻收碟快，职员有礼貌，一叫就埋黎吾会扮见吾到。
🔘刺身🍣
有三文鱼、吞拿鱼、鱿鱼及甜虾4款，有师傅现场切，一个人佢每款都会厚切4件，鱿鱼冇试，甜虾ok的，但三文鱼同吞拿鱼感觉一般，三文鱼见到有黑点，吞拿鱼口感较差。
🆗餐汤🥫
有中西汤各一款，今次试左西汤磨菇汤，有d稀，但味道ok，见到有蘑菇粒，应该吾系金宝汤开出黎。
🆗沙律🥗及冷盘🦪
沙律正常，有沙律菜、罗马生菜、粟米粒、红腰豆、脆面包粒、芝士粉及几款沙律酱。
冷盘有几款，麻辣茄子吾错，够麻辣惹味，另外烤椰菜花都好味，醋云耳冇咩味，而长通粉就感觉未够熟，有d硬。虾螺等海鲜本人冇试。
☑️主食 - 咸蛋黄酱软壳蟹薄饼🍕
主食有中西式之选，我选左呢款薄饼。好大份，有成8块，食完前菜都饱左大半，我只食左2块，好彩可以打包走，吾系就好浪费。个pizza除左个边硬左d，整体黎讲好好味（同事试咗都赞不绝口），上面嘅软壳蟹好脆，新鲜炸起，而pizza饼底都好重咸蛋黄味，有少少流心，好邪恶，所以会有d滞。
咸蛋黄酱软壳蟹薄饼
13 浏览
0 赞好
0 留言
☑️甜品🍰
有椰汁西米露及几款蛋糕。蛋糕质素吾错的，试左海盐芝士蛋糕、朱古力蛋糕、士多啤梨蛋糕、班兰蛋糕，味道都ok，但感觉芒果布甸有d甜，但面果d芒果粒都甜的就好食。
☑️饮品
试咗cappuccino同埋苹果汁，2款都正常。另外会有橙汁、柠水提供。
张贴
