天外天

爸爸生日，今次试吓食中菜，一嚟到坐低见到成个维港景觉得非常靓，服务员好热心推介唔同菜式。*蜜汁叉烧*叫咗半份试一试，好彩冇嗌全份，肉质非常淋，一啲肉嘅口感都冇，调味唔会过甜，唔会好重蜜糖味，唔需要叫。*片皮鸭* (半只）半只片皮鸭份量唔多，大约有12至14片 ，系我见过最瘦嘅片皮鸭，一啲油份都冇，甚至有啲干柴，服务员话呢一只鸭嘅品种系比较少脂肪。几钟意佢嘅皮，带点烟韧嘅口感。呢个系服务员推介嘅桂花梨伴黑醋猪柳，觉得非常好食，梨肉有淡淡的桂花香味，猪柳比起平时嘅咕噜肉冇咁多浆汁，冇咁死甜，薄薄嘅粉浆恰到好处。黎呢到之前，见到好多人食黑蒜鲍鱼鸡煲，一开瓦煲系非常香，但味道比想像中普通，就系大排档好有镬气嘅菜式，冇乜特别。最后仲送左寿包比我地食。