Gastrobox The Union (已結業)

🥗精选沙律沙律菜都几新鲜，味道普普通通。🥕厨师餐汤 - 胡萝卜汤味道好似粟米汤😂同埋颜色几橙😓都几大碗嘅。我哋食晒前菜佢先送啲餐包嚟（我哋叫佢去先拎黎😓）餐包都热嘅。我地等咗二十分钟先有野食送到嚟，好彩我地唔赶时间，但系午餐繁忙时间冇理由要等咁耐😓。🥗蜜桃烤鸡肉配田园沙律（$65）沙侓菜同餐前沙侓嘅一样，汁都系。完全见唔到有蜜桃🧐，鸡肉都腍嘅但系冇乜味。🥩纽西兰肉眼扒配红酒汁（$95）竟然快过意粉嚟😅叫咗七成熟但系熟晒😪，好彩叫咗七成，同埋阿妈都食熟嘅。牛扒几薄，但系都唔细块，无乜渣，都腍。咁嘅价钱都算系咁。带子卡邦尼天使面（$78）得三片薄嘅带子😓根本无汁同埋无芝士味，好似橄榄油意粉咁，唔算系卡邦尼意粉。但系份量都唔少嘅。🍝鲜虾比素茄茸烩扁意粉（$69）呢碟最尾先嚟。无乜新鲜茄味，酱较甜，好明显系罐头🥫。虾唔系急冻嘅，但系熟过头，同埋得三只😓。咖啡比想像中好味，但系奶系冻嘅。冻柠檬茶都OK。送餐时间太耐啦。食物质素普通，但系价钱算便宜，同埋环境装饰得几高级，服务态度都唔错👌🏻，但系唔会特登嚟啦。