歡喜

营业中

休息中

今日同朋友下午2:24分去左呢度。谂住静静整地倾吓计，食下午茶。叫左个下午茶虾沙律。叫得沙律其实都系想食得健康啲，已经问定个沙律有冇酱，侍应有礼貌咁话都有酱嘅，叫佢另上，点知嚟到原来系天妇罗炸虾🍤（未食过，唔知有炸虾，个menu 只写虾），都算。佢啲菜上面啲苹果提子劲大pat沙律酱，好似唔驶钱咁。落单嘅时候已经同侍应讲酱另上，但系侍应又无提我哋就算酱另上都好，苹果提子其实都已经一早有酱。一句讲晒即系酱另上都冇用。😅然后我就拎咗一杯水洗走晒啲沙律酱。太肚饿冇到影相。第二个位失望系，叫咗个下午茶餐——牛油果多士。唔讲啦，睇相啦。呢个咁嘅牛油果「酱」多士，加一杯热柠茶42蚊。真系「直升机」——即系「伏伏伏伏伏伏」。不如食普通茶记算。仲要食到3点几，侍应系咁收我哋啲碟，去到3:30侍应直接同我哋讲因为出便有八人等位，所以介唔介意我哋埋单。其实只系坐左一小时十分钟，就要被人赶走。星期日出街食，其实都系想悠闲啲，但最后唔能够坐耐啲倾计，真系食个M 记都好过佢。呢度环境尚算企理干净，侍应尚算有礼，但系食物咁样同赶我地走真系唔会有下次。🥲真系唔好问点解港人钟意北上消费。🙏🏻🙏🏻凡事必有因。