添好運點心專門店

营业中

休息中

今日去咗添好运食点心。撞正午饭时间，不过都好好彩，唔使等即刻有位。两个人叫咗五碟点心。鲜虾烧卖皇传统式烧卖，上面系加杞子，虾、猪肉还加上肥猪肉，味道不错，但就略嫌细粒咗啲。黄沙猪膶肠肠粉皮真系做得好薄，好通透，猪膶就稍为薄一点。家乡咸水角热腾腾，好味。食嘅时候，记得要小心。酥皮焗叉烧包酥脆的表面，内里系多汁的叉烧，好味。古法糯米鸡糯米饭有啲惊喜，糯米饭一粒粒软糯适中。至于馅料，味道是不错的，但馅料酱汁就比较少。总括：食物仍保持到水准，上菜非常快。但枱与枱之间有点密。服务姐姐就可以更好啦。