忠記咖啡屋 (已搬遷) 新店位置

约咗人系附近但又未够钟，所以找个地方食个早餐先。之前听朋友讲忠记的食物不错，所以就直接过来。因为餐厅系一楼所以选择咗行楼梯上去，一上到去未入门口就听到很嘈吵，果然店内的座位差不多全满，幸好我是一人，所以有位。我一坐下来，已有个哥哥急不及待想同我落单。虽然茶记来来去去都系差不多，咁话哂都系第一次嚟点都要睇下个餐牌架嘛！哥哥等咗我几秒见我仲未可以落单于是就走开咗！咁都好等我可以睇下附近的人叫咩食多，见多数人都系叫面餐多，于是我就叫了沙嗲牛肉火腿米粉和茶走。沙嗲牛肉火腿米粉配有生菜，很有诚意，因为唔多餐厅早餐都会咁做，所以即刻加了分。沙嗲牛肉的沙嗲味很浓有少少辣，牛肉亦都很腍身。米粉是我喜欢的幼粉，很夹口！至于奶茶就强差人意，茶味浓但有苦涩味，不够滑，而且颜色亦偏深，只有香味！