影片
更多
2021-10-01
1609 浏览
呢两日咁啱都饮茶🫖写个食评畀大家作一比较。海丽阁位于新装修嘅屋邨商场，开张几个月以嚟贪佢新净就好密咁帮衬，而且家中老人家都好钟意去，相信留底唔少脚毛（笑）#老人家心血来潮想食班腩，见午巿优惠纸有一碟凉瓜班头腩炒河，就帮佢哋点咗，原本个名望落咁dry冇乜特别意欲，但上到嚟开头系试少少，之后都一口气食咗3碗仔。首先啲汁调味一流，索晒啲炸鱼嘅精华，仲落埋豆豉点缀，味道唔咸亦唔淡，其次同够镬气嘅河粉捞匀，再伴以消暑嘅苦瓜，一道「估你唔到」嘅小炒👍🏻#到介绍my favourite 啦。唔知由几时开始酒楼除咗卖马拉糕叉烧包之外，多咗一样叫合桃包嘅朋友，而呢位一登场就俘虏咗本人个胃，以致到依家去亲饮茶都一定mark咗呢格先。海丽阁嘅合桃包系附近咁多间酒楼最好食嘅，合理比例嘅合桃再沟类似奶酪嘅东东，味道似流质黑糖乳酪加咗果仁，健康蒸包类嘅首选😬#鲜虾烧卖皇间间都有烧卖唔代表间间都好食。虾嘅比例嚟讲得面头见到𠮶一两粒仔，切得好细，食唔到有完整虾，但由于整得几弹牙嘅关系，反而加咗好多分，食完把口亦唔会有种鱼腥味，对于唔太食得虾嘅老人家嚟讲，呢个可以酌量试吓。btw热气上腾令镜头好似加咗重滤镜咁，趁热食先
#
老人家心血来潮想食班腩，见午巿优惠纸有一碟凉瓜班头腩炒河，就帮佢哋点咗，原本个名望落咁dry冇乜特别意欲，但上到嚟开头系试少少，之后都一口气食咗3碗仔。首先啲汁调味一流，索晒啲炸鱼嘅精华，仲落埋豆豉点缀，味道唔咸亦唔淡，其次同够镬气嘅河粉捞匀，再伴以消暑嘅苦瓜，一道「估你唔到」嘅小炒👍🏻
凉瓜斑头腩炒河
$98
63 浏览
0 赞好
0 留言
#
到介绍my favourite 啦。唔知由几时开始酒楼除咗卖马拉糕叉烧包之外，多咗一样叫合桃包嘅朋友，而呢位一登场就俘虏咗本人个胃，以致到依家去亲饮茶都一定mark咗呢格先。海丽阁嘅合桃包系附近咁多间酒楼最好食嘅，合理比例嘅合桃再沟类似奶酪嘅东东，味道似流质黑糖乳酪加咗果仁，健康蒸包类嘅首选😬
补脑合桃包
$30
63 浏览
0 赞好
0 留言
#
鲜虾烧卖皇
间间都有烧卖唔代表间间都好食。虾嘅比例嚟讲得面头见到𠮶一两粒仔，切得好细，食唔到有完整虾，但由于整得几弹牙嘅关系，反而加咗好多分，食完把口亦唔会有种鱼腥味，对于唔太食得虾嘅老人家嚟讲，呢个可以酌量试吓。btw热气上腾令镜头好似加咗重滤镜咁，趁热食先！
鲜虾烧卖皇
$36
48 浏览
0 赞好
0 留言
#
四宝鸡扎
本人好钟意食呢款四四方方嘅肠仔，通常只有喺鸡扎里面食到，除咗猪皮唔太喜好之外，其余三宝都接受到，所以今次见佢出现咗喺午巿优惠纸就果断剔咗。鸡肉完美一条冇肥膏痴住，芋头接近泥嘅完美口感，猪皮嘅爽滑🤤🤤真系好okay 啰！
四宝鸡札
$26
42 浏览
0 赞好
0 留言
#
上海小笼包
里面虽然冇汤汁，但都算皮簿饀靓嘅，佢同红醋简直绝配，今次要求唔会太高，好味就足矣。
上海小笼包
$26
41 浏览
0 赞好
0 留言
#
紫米露
今餐唯一唔值得回味嘅甜品，嫌紫米份量太少粉浆多，冻晒嘅话基本上似饮紧紫米味嘅结哒哒无味椰浆。
紫米露
$30
33 浏览
0 赞好
0 留言
整体而言，每蓬长辈一提起饮茶就会想去呢度，去其他酒楼仲会挂住佢啲点心，拎佢嚟比较，哈哈呢啲就系叫偏心啦。
张贴
