榮昌茶座

营业中

休息中

网上见到呢一间喺上水高尔夫球场隔离嘅茶室，听闻食物几好，亦都好多人帮衬，于是星期六过嚟试一试。其实地方偏远，多数都系行山人士路过食饭或者专登揸车嚟食嘅人。呢一度嘅好处系有免费泊车，不过系露天停车场。来到的时候系中午12点，我哋等咗差唔多10分钟就有位，入面都座无虚席。餐厅有露天座位。我哋叫了最出名嘅菠萝油、红豆冰，BB乳鸽仲有煎猪扒米粉。菠萝油普通，冇惊喜，佢话驰名又觉得有啲失望！红豆冰嘅红豆几大粒。BB乳鸽好食，皮脆。煎猪扒唔错，肉质都算林。不过价钱就比普通茶室偏贵，煎猪扒米粉，$50、菠萝油一般冇乜特别，$23。食过一次就可以，应该都唔会再嚟。没有加一服务费。