Mini Friday (銀城廣場) (已結業)

忍口减肥咗几个礼拜，我呢只为食猫终于忍唔住。今晚就去咗旺角银城商场9楼嘅mini friday食饭 。 先拔头嚟一个“水牛城鸡翼“$78。鸡翼好大只，鸡肉嫩滑， 辣度适中，个汁带有少少酸味，作为前菜正中下怀。 再嚟就系一个“三色藜麦华都夫沙律“$68。 食材就有提子干，合桃等等。 蔬菜十分新鲜爽口， 罪恶感减低了不少，酸酸尾尾十分醒胃。 之后仲嚟咗个“温泉蛋菠菜大啡菇“$78。一上枱已经芬香扑鼻 ，啡啡菇大概手心咁大 ，一切落去啲汁已经爆泻， 食入口有好浓沃嘅菇香味 。 主菜就系“卡邦尼意粉 “$108，意粉十分creamy，入口味道浓而不腻，捞埋糖心蛋嘅蛋黄 ，滋味更上一层楼。 最最最最重点嘅就系“威灵顿牛柳扒“$298。份量十足，一切开入面嘅牛肉大概六成熟 ，牛肉味浓，面头铺满 蘑菇碎， 再用香脆嘅酥皮包裹住 ，外脆内软 ，多重口感滋味。 整体嚟讲，餐厅 装修格调都几浪漫，适合情侣两个人嚟食。价钱算亲民又份量十足，性价比都几高。