熊貓小雲吞 (愛民廣場)

营业中

休息中

公司附近餐厅都食到闷闷哋，今日就嗌外卖。同同事一齐拣咗个两人套餐，套餐会有2碗云吞或面，1款配菜，1款甜品及饮品。两人套餐 ＄148鲜虾小云吞每碗会有10粒，份量都比较细，女仔食完都唔会饱。汤底分别要咗招牌重庆酸辣汤同麻辣汤，重庆酸辣汤偏酸但就唔辣，而麻辣汤都几香，佢哋嘅共通点系食完都好口渴。凉皮嘅质地同平时食到既系完全唔一样，呢款系偏厚，而且都唔滑。食落味道偏酸，里面嘅榨菜都好咸。而红糖糍粑系呢几样食物中最好食，外卖嚟到再摆咗阵表面都仲系脆脆既，里面就好软，配上红糖同黄豆粉，真系几好食。饮品就可以拣冷泡系列或氮气饮品，冷泡茶系无糖嘅，饮落似平时茶包泡出嚟嘅味。整体来讲，食物嘅价钱同份量都唔成正比，质素都系麻麻哋，如果好似我咁仲要俾运费就更唔抵。