泰出色泰國餐廳

营业中

休息中

今晚约左姑姐一家食饭，念左好耐都唔知食咩好，最终都系决定食泰国菜。于是就搜索下酒店附近有边间泰国餐厅选择，最后就决定尼间「泰出色泰国餐厅」。点左几款平时去餐厅都会叫既菜式猪颈肉我腍，腌得好入味，捞埋酸辣汁同沙律菜一齐食，好开胃，但略嫌鱼露加太多，偏咸。虾饼大大件，脆卜卜，爽口弹牙，岩晒钟意食虾既我，啖啖肉。鸟头鱼冇泥味，加埋啲酸甜汁、肉碎、椰菜、粉丝，好醒胃。椰菜苗爽囗，加埋咸肉一齐炒，好惹味，但略嫌椰菜有少许苦涩味。杂菜煲，咸淡适中。猪手炆得好入味好腍，食落口有阵阵卤水香味。但因为炆得太耐太腍，卖相唔系太好。味道适中，咸淡得宜，但面条炒得太湿，面身大软，唔够干身。落左好多海鲜一齐炒，食落口甜甜地总括而言，食物份量多，味道偏浓，个人认为食物煮得有点过火，导致食落口，质感不太好。