譚仔雲南米線 (樂嘉中心)

营业中

休息中

因为开喺屋企附近嘅关系，钟意食谭仔嘅我又有多一个选择啦！是晚6:20左右入到去，可能时间尚早，未有好多客人，于是我拣左一张餐厅较入位置嘅座位，感觉上清静啲(门口好多人等外卖)；一开始对新店感觉良好，因为格局四四正正，店面灯光又充足，坐得相对舒服。但叫野食果阵真心有少少跌眼镜，因为我只系嗌一碗"两𩠌普通酸辣米线，少米，唔加野饮"，唔系啲咩复杂菜单，讲得又唔系快，个谭仔姐姐都可以要我重复三次食咩......之后问佢攞杯水，佢应左但最后又无左回事，卒之我自己起身去拎.....我理解新开张铺头要一段适应期，但话哂谭仔已经有咁多间连锁店，又上埋市，估唔到都系咁嘅水准，希望佢嘅服务质素日后有所提升啦，否则长此下去都几赶客......食物方面，𩠌嘅份量少得可怜，但米线就好多(我已经嗌左少米，但感觉上同正常份量一样)。个人觉得谭仔真系要起势力追，改善下份量同服务呢两环，否则面对愈开愈多嘅米线小店，谭仔嘅固有优势一定会慢慢磨蚀。