十二味 X Bamboo Bar (德己立街)

营业中

休息中

由于系中环工作，时不时都会食呢间第一次去食味道同份量都OK，于是乎join左会员可以有小小折扣。其实过左试营业期之后，都有发觉啲食物份量越来越小，但系都够食所以冇在意。但最近一次去食酸菜鱼，份量真系少到太过分，同样一份酸菜鱼，入边鱼嘅数量两只手数得嗮😲两个食量正常嘅女仔，嗌左一大盆酸菜鱼同主食米饭同葱油拌面，都完全唔够饱...😑😑利申系晚市，正常份量原因系个号称招牌酸菜鱼，一盆汤占85%以上，仲要系淡到得番味精嘅味道，配菜得酸菜only，冇其他，鱼片又少得可怜...卖$200几蚊真系揾笨总之好失望！冇下次！最怕啲过度扩张嘅餐厅保持唔到质素，虽然十二味已经系香港开左一段时间，但系分店数目系疫情之后明显增长，一方面系铺租便左，可以租更优越嘅位置扩大品牌影响力；另一方面系封关太耐，留系香港嘅大陆人同钟意北上消费嘅香港人无处可去，只能帮衬大陆品牌嘅餐厅。想做大想扩张唔系问题，问题系做唔做到同样嘅质素，每间分店嘅出品控制好紧要，吸引收费会员然后做差品质系好愚蠢嘅选择，只会将一盘好嘅生意越做越窄，其实香港嘅市场好细，口碑差左可以好快玩完。见过太多前车之鉴，同你分享。