大戶屋

营业中

休息中

同好耐冇見既朋友食飯，唔知食乜好，出到黎先諗，之後友人話佢成日食呢間日本餐廳，我又未試過，一於試下。餐廳好大間，日系和風設計既裝修，我地大約20:00黎，友人話次次都要等位，今次等左5分鐘就有，可能因為係閒日既晚上，加上有啲夜，所以唔洗點排。食物選擇非常多款選擇，但係價錢有啲令我驚訝，以食一個好普通既飯黎講真係幾貴。滑蛋燒雞飯　$102呢個價錢只係得一碗飯、一碗麵豉湯同一啲伴菜，真係好貴……佢個滑蛋冇錯，真係高質既滑蛋，好嫰好滑lulu，相信有加奶去炒，燒雞亦都好嫰身，完全唔鞋口，但係份量唔多，同埋我相信香港有好多茶記都做到呢個水準，仲會多一番港式風味，而且拎$102一定食到最少兩碟，呢到睇黎係食環境同名氣。食物係唔錯，但睇埋個價錢同埋食既野冇乜特別，我就應該唔會再黎食，性價比唔太高，相信呢個價錢係出面都食到相同甚至質素更高既食物，而且價錢仲會更平。