大戶屋

营业中

休息中

同好耐冇见既朋友食饭，唔知食乜好，出到黎先谂，之后友人话佢成日食呢间日本餐厅，我又未试过，一于试下。餐厅好大间，日系和风设计既装修，我地大约20:00黎，友人话次次都要等位，今次等左5分钟就有，可能因为系闲日既晚上，加上有啲夜，所以唔洗点排。食物选择非常多款选择，但系价钱有啲令我惊讶，以食一个好普通既饭黎讲真系几贵。滑蛋烧鸡饭　$102呢个价钱只系得一碗饭、一碗面豉汤同一啲伴菜，真系好贵……佢个滑蛋冇错，真系高质既滑蛋，好嫰好滑lulu，相信有加奶去炒，烧鸡亦都好嫰身，完全唔鞋口，但系份量唔多，同埋我相信香港有好多茶记都做到呢个水准，仲会多一番港式风味，而且拎$102一定食到最少两碟，呢到睇黎系食环境同名气。食物系唔错，但睇埋个价钱同埋食既野冇乜特别，我就应该唔会再黎食，性价比唔太高，相信呢个价钱系出面都食到相同甚至质素更高既食物，而且价钱仲会更平。