影片
更多
2019-05-31
115 浏览
我唔会再帮衬第一次嚟帮衬，见其他网站有六五折就黎试吓，散叫咗个龙虾汤，西兰花芝士汤加酥皮，忌廉蘑菇汤加酥皮，墨西哥串烧，卡邦利大虾带子意粉同猪手⋯⋯龙虾汤茄膏重手左少少，虾膏令到个汤好滞，西兰花芝士汤见唔到有西兰花，芝士味亦都无，根本系一个普通忌廉汤，可能因为系是日餐汤，就算我散嗌佢都系俾返果款我，忌廉蘑菇汤好淡，酥皮唔系好似出边咁胀卜卜佢系林啤啤，一啲都唔好食，好失望，专登嚟饮酥皮汤的反而最好食系小食墨西哥串烧，牛仔肉同牛舌都好林好味，甜薯都好林好甜，呢个真系推介跟住到主菜卡邦利大虾带子意粉，忌廉味好重，但食唔到有芝士，有四粒虾同一粒大带子，都几好食，不过如果一个人食晒会好滞，猪手好大只，皮好脆，点蜜糖芥辣好好食⋯最后我哋差唔多食晒嘅时候，应该系负责人就攞张饮品表，要我地每人一定最少要点一杯嘢饮，唔怪得知一开始就叫我地order饮品，但佢又冇讲明一定要每人点一杯嘢饮，最后先讲，如果佢一早讲明嘅话，我可能会叫少啲野，因为最后杯嘢饮根本饮唔到，而且呢杯嘢饮系冇折，最平一杯嘢饮都要$35，即是俾咗折你，但系一定系饮品都要赚返你多啲，就算个网站有条款写明，都系话每人最低消费一杯饮品，最低消费
第一次嚟帮衬，见其他网站有六五折就黎试吓，散叫咗个龙虾汤，西兰花芝士汤加酥皮，忌廉蘑菇汤加酥皮，墨西哥串烧，卡邦利大虾带子意粉同猪手⋯⋯
龙虾汤茄膏重手左少少，虾膏令到个汤好滞，西兰花芝士汤见唔到有西兰花，芝士味亦都无，根本系一个普通忌廉汤，可能因为系是日餐汤，就算我散嗌佢都系俾返果款我，忌廉蘑菇汤好淡，酥皮唔系好似出边咁胀卜卜佢系林啤啤，一啲都唔好食，好失望，专登嚟饮酥皮汤的
反而最好食系小食墨西哥串烧，牛仔肉同牛舌都好林好味，甜薯都好林好甜，呢个真系推介
跟住到主菜卡邦利大虾带子意粉，忌廉味好重，但食唔到有芝士，有四粒虾同一粒大带子，都几好食，不过如果一个人食晒会好滞，猪手好大只，皮好脆，点蜜糖芥辣好好食⋯
最后我哋差唔多食晒嘅时候，应该系负责人就攞张饮品表，要我地每人一定最少要点一杯嘢饮，唔怪得知一开始就叫我地order饮品，但佢又冇讲明一定要每人点一杯嘢饮，最后先讲，如果佢一早讲明嘅话，我可能会叫少啲野，因为最后杯嘢饮根本饮唔到，而且呢杯嘢饮系冇折，最平一杯嘢饮都要$35，即是俾咗折你，但系一定系饮品都要赚返你多啲，就算个网站有条款写明，都系话每人最低消费一杯饮品，最低消费意思系其中一个人冇点餐先需要，但系我哋已经点左三个汤两个主菜一个小食都仲过唔到最低消费咩？呢个条款我真系好耐冇系香港见过系咁样计最低消费的
叫两个散餐，一个晚餐又话唔得，一定要全部散叫，我之前都系用同一个网站系第二间餐厅，人地都可以分开计散餐有折，套装冇折。
睇落比折扣你好似好着数，但原来最后计落根本都唔系平好多，讲真最后要我地每人叫一杯正价饮品真系条气好唔顺，无啦啦比多$100饮三支冰镇樽装奶茶，但系又唔系冰镇住，得知樽装奶茶俾你，咁又点叫做冰镇呢⋯⋯
算啦，反正呢间野我唔会再帮衬，如果大家想去试吓d嘢食都可以，不过如果要散嗌就要问清楚系咪一定要再叫一杯野饮啦！
张贴
