海景粥店茶餐廳 (已結業)

今日下午我们去咗旺角亚皆老街嘅「海景粥店茶餐厅」食下午茶！我们叫咗皮蛋鱼片粥嘅海底煲得好绵，材料嘅份量超足料，皮蛋好甘香软滑，鱼片相当鲜甜嫩滑，真系几正呀！海景醒胃餐：罗宋汤螺丝粉配煎蛋、鸡肉肠同多士嘅罗宋汤底相当浓郁，螺丝粉亦几弹牙，多士唔算烘得好香脆！特餐：鸡中翼火腿通粉配油多士火腿奄列嘅鸡中翼炸到有啲过咗火，食落感觉比较硬身同有啲「粗嚡」，火腿奄列嘅外层煎得都几香，而且唔算太熟！鸡扒肠仔出前一丁配油多士火腿煎蛋嘅鸡扒煎得色泽好金黄，而且好大块，肉质好松软嫩滑，而肠仔嘅外皮就比较皱，味道亦有啲咸！总括：食物嘅出品都几好，但环境卫生就唔系太好，因餐台同地面都相当油，有其他食客仲差啲滑倒，卫生情况真系要好好整理吓！