影片
更多
2023-04-11
291 浏览
餐态位于食肆林立既通菜街，铺面较细，坐得会有小小逼，铺内摆满左老板钟意既动漫公仔，十足传统拉面店既格局。当日店员安排左我地两个坐吧枱，可以睇到厨师煮面既过程。餐厅以写纸形式落单，方便食客可以因应自己喜好拣条面种类、软硬度及配菜等，，而且餐厅汤底选择都唔少，主要供应六款固定汤底及一款定时转既限定汤底，当日我地两个就拣左豚骨及辛辣味。豚骨拉面(配黄面，厚叉烧加特上SET,$78+20): 黄色面为小小曲味及较博多白面粗身，食落有咬口，猪骨汤底饮落顺滑无猪腥味，调味唔会过咸，而且汤够浓几挂汁，十分岩重口味人士。厚切叉烧上菜时灸烧过，食落香口而且油脂爆棚。另加既特上SET配有慢煮叉烧、溏心蛋及紫菜，慢煮叉烧低温煮熟唔会柴，食落肉质柔软有肉香，溏心蛋煮得岩岩好，蛋汁流心而且腌得入味。辛辣拉面(配白面，慢煮叉烧): 基底系豚骨汤另外加上辣肉酱，重口味既汤加辣点会唔好食，肉酱偏辛辣，食落香口，捞埋小小肉碎配面食一流。唯一缺点系食到尾有小小油腻。当日仲叫左个黑松露墨鱼饼小食，炸墨鱼饼细细块，食落香口，入口感觉比例散及柔软，怀疑肥猪肉多左，但黑松露酱比一般食到既更香，应该系铺头自己调制，为小食加番唔小分
餐态位于食肆林立既通菜街，铺面较细，坐得会有小小逼，铺内摆满左老板钟意既动漫公仔，十足传统拉面店既格局。当日店员安排左我地两个坐吧枱，可以睇到厨师煮面既过程。
餐厅以写纸形式落单，方便食客可以因应自己喜好拣条面种类、软硬度及配菜等，，而且餐厅汤底选择都唔少，主要供应六款固定汤底及一款定时转既限定汤底，当日我地两个就拣左豚骨及辛辣味。
豚骨拉面(配黄面，厚叉烧加特上SET,$78+20): 黄色面为小小曲味及较博多白面粗身，食落有咬口，猪骨汤底饮落顺滑无猪腥味，调味唔会过咸，而且汤够浓几挂汁，十分岩重口味人士。厚切叉烧上菜时灸烧过，食落香口而且油脂爆棚。另加既特上SET配有慢煮叉烧、溏心蛋及紫菜，慢煮叉烧低温煮熟唔会柴，食落肉质柔软有肉香，溏心蛋煮得岩岩好，蛋汁流心而且腌得入味。
辛辣拉面(配白面，慢煮叉烧): 基底系豚骨汤另外加上辣肉酱，重口味既汤加辣点会唔好食，肉酱偏辛辣，食落香口，捞埋小小肉碎配面食一流。唯一缺点系食到尾有小小油腻。
当日仲叫左个黑松露墨鱼饼小食，炸墨鱼饼细细块，食落香口，入口感觉比例散及柔软，怀疑肥猪肉多左，但黑松露酱比一般食到既更香，应该系铺头自己调制，为小食加番唔小分。
整体黎讲食物水准一流无投诉，油尖旺区拉面我都食过8-9成，呢间系我既头3，缺点系座位小小逼，不过食得拉面都系食完拿拿声走，要倾计慢慢坐紧系去CAFÉ啦~
张贴
