Sky726

呢晚同屋企人食晚饭，预订了window seat, 夜景好靓，但被安排既位系最入最迫，但天花同墙都无，得台面盏蜡烛，睇餐牌好暗睇得好辛苦。食物叫左好多，蟹饼藜麦几好食；凯撒沙律菜都好新鲜；青口都好鲜味，配菜个薯条炸得好香脆；炸磨菇好juicy, 酱汁都好开胃。主菜叫左三个，烧春鸡真系唔建议叫，好硬好鞋好干，用刀我切唔开亦咬唔烂，好似食紧条毛巾甘，点咬都咬唔开，完全唔明白点解食落唔似鸡肉；猪肋骨就好淋，轻轻一𠝹就已经起到肉，呢个要赞；仲有手卷意粉味道都唔错，系有d 硬，煮淋多dd 会更好食。饮品方面叫左几杯mocktail, paradise punch 好香热情果味，略甜左少少；coco tail 屋企人话好饮。想讲服务方面，现场好多客但人手不足，想叫侍应帮手影张相话唔得闲唔好意思🥲。举手想要求换过d 骨碟壳碟都无咩人理，可能坐既位置真系太埋喇。