岡山一番店 (樂富廣場)

营业中

休息中

乐富终于再有一间拉面舖，头先试咗。可能新开张，感觉职员仲未好熟流程。楼面见餐厅有位就放人入去，完全无顾及厨房出餐能力，等食嘅客远多过食紧面嘅客。偏偏餐厅采取先付款后送餐模式运作，又令客人无法取消订单只能继续呆等，我碗面22分落单，嚟到系46分，前后等咗24分钟。舖位本身系半开放式，面积不大。隔离就系楼梯同扶手电梯，都系人流多嘅地方。偏偏舖头不停播住日本歌，结果嘈上加嘈，唔播歌反而更好。讲返食物本身，叉烧好食，溏心蛋入味，呢两样嘢系令我加分的。但由于点餐纸或者图片显示到生芽菜1倍至4倍嘅份量。我点咗4倍，结果要攞多只碗夹开生芽菜先勉强夹到面，而且食咗一半我就已经开始饱，下次应该会只叫1倍。我个人较喜欢食幼面，因为挂汤能力比粗面强，但佢哋用嘅系粗面，好在面质唔差。我谂再迟三两个月等职员run熟啲间舖，再试其他。