E FOR EGG

营业中

休息中

金沙软壳蟹三文鱼籽海鲜沙律盒子吐司 $108原件炸软壳蟹放上吐司到，炸到脆卜卜，无软壳蟹腥同雪味，值得一试。双重三文鱼芝士滑蛋盒子吐司 $88烟三文鱼稳稳阵阵，无腥或者唔新鲜嘅味。只有好轻微嘅芝士味，份量比较适合女仔。烘到啱啱好唔会过干仲好松软嘅盒子吐司配芝士滑蛋同三文鱼籽，滑蛋无过熟亦无出水状况，再淋上蜜糖酱汁，都几甜。旁边沙律菜同炸蕃薯条伴碟，食得出有蕃薯甜，无炸到过火食到焦味。焦糖鸡蛋布丁盒子吐司 $60最后再叫咗个甜品，等紧嘅时候听到职员同其他客人讲得返最后一个，所以如果太晏去食可能会已经卖晒食唔到哦～面包仍然系个个烘过加咗蜜糖酱汁暖粒粒嘅厚面包，但细size啲，但神奇地个布丁系冻嘅，一冷一热几有趣。焙茶鲜奶(冻) $41厚奶系面，打发得几好，唔会好快同下面焙茶混合埋一齐，焙茶味都几出，会饮到少少粉感。摩卡咖啡(冻) $46咖啡味都几出，虽然有洒朱古力味，但都唔系好觉有朱古力味。