饗和民 (康怡廣場) (已結業)

以前都嚟过呢度食早餐，都唔错既，最近再去食lunch，但发觉质素差好多，我地叫咗天妇罗豚肉定食，但竟然冇俾天妇罗汁，个前菜沙律仲唔记得落沙律汁，问侍应攞啲天妇罗汁，佢俾得好细碗，两个餐俾得一份，要再问佢至俾多一碗仔😓 问攞沙律汁时，个侍应仲要误会我嫌唔够沙律汁，摆低啲汁就走开，我当时都几滚，未试过喺日本餐厅食沙律会冇落汁，我同番个侍应讲系厨房唔记得落沙律汁，唔系我觉得唔够汁😠 佢就大声同我讲几句唔好意思，好似系我无理取闹咁，我从未试过食日本料理食得咁唔开心，仲要系呢间我曾经几欣赏佢早餐既餐厅，招呼同以前差咗好多🤪 我从未写过咁详尽既负评，但呢度真系令我好失望，我唔会放呢篇去社交平台度，我社交平台主要放值得记录既食评😌 仲要提下系个天妇罗豚肉好多根咬唔开，好难食，我吐咗好多赵唔到既肉出嚟，我谂冇必要我唔会再去呢度食嘢，我真系未食过咁差质素既日本料理👎🏻