影片
更多
2021-10-11
270 浏览
成餐饭食到一肚气好耐之前食过一次，印象唔差，今日黎开睇戏就再帮衬下，结论系，唔会再有下次！首先系门口㩒飞仔拎筹，但带位既冇㩒过筹号，问我地几多位就直接带我地坐低，心谂都好呀，唔使等咁耐！睇完menu点餐，举左手好耐都冇人应我哋，好啦，到有个后生仔应我哋，态度好差咁同我哋讲用QR code叫，但又唔比个QR code我地！想叫人比杯水都冇，明既楼面得几个人，有成20几30枱客，一系放出黎比人自助斟，一系唔够人手咪唔好开咁多张枱！隔离枱有几个auntie唔系咁识用QR code落单，问个后生仔可唔可以人手落，个后生仔竟然答，得闲先帮你落🙄🙄🙄我谂如果系我，会即刻起身走人。野食好快黎到，个猪扒捞檬，d檬粉干到硬，系硬到好似未熟咁！叫个阿姐换过佢，个阿姐话捞檬系咁架㖞，系硬到食都食唔到！最后佢拎左入去，但我觉得系原碟拎返出黎！另外有碟马拉盏通菜，成碟菜啖啖都系油，应该叫油浸通菜！软壳蟹米纸卷，算系好少少，但个软壳蟹系淋到放左好耐既感觉！隔离有枱，叫左喇沙同小食拼盘都话劲难食，仲有枱又系叫捞檬，剰系食𩠌冇食檬粉！埋单个阵同个收银拎公司电话，佢问有咩帮到我，系咪服务唔好，又话忙起黎有d同事态度系冇
成餐饭食到一肚气
好耐之前食过一次，印象唔差，
今日黎开睇戏就再帮衬下，
结论系，唔会再有下次！
首先系门口㩒飞仔拎筹，
但带位既冇㩒过筹号，
问我地几多位就直接带我地坐低，
心谂都好呀，唔使等咁耐！
睇完menu点餐，
举左手好耐都冇人应我哋，
好啦，到有个后生仔应我哋，
态度好差咁同我哋讲用QR code叫，
但又唔比个QR code我地！
想叫人比杯水都冇，
明既楼面得几个人，有成20几30枱客，
一系放出黎比人自助斟，
一系唔够人手咪唔好开咁多张枱！
隔离枱有几个auntie唔系咁识用QR code落单，问个后生仔可唔可以人手落，
个后生仔竟然答，得闲先帮你落🙄🙄🙄
我谂如果系我，会即刻起身走人。
野食好快黎到，
个猪扒捞檬，d檬粉干到硬，
系硬到好似未熟咁！
叫个阿姐换过佢，个阿姐话捞檬系咁架㖞，
系硬到食都食唔到！
最后佢拎左入去，但我觉得系原碟拎返出黎！
另外有碟马拉盏通菜，成碟菜啖啖都系油，
应该叫油浸通菜！
软壳蟹米纸卷，算系好少少，
但个软壳蟹系淋到放左好耐既感觉！
隔离有枱，叫左喇沙同小食拼盘都话劲难食，
仲有枱又系叫捞檬，剰系食𩠌冇食檬粉！
埋单个阵同个收银拎公司电话，
佢问有咩帮到我，系咪服务唔好，
又话忙起黎有d同事态度系冇咁好，
其实，即系你地自己都知，点解唔改善！
总括黎讲，服务质素差，食物质素差！
无下次！
6 浏览
0 赞好
0 留言
张贴
