名 料理 (已結業)

最近依几日好冻，也米😍约咗朋友仔一齐去烧嘢食，我哋揾到一间系日式放题🇯🇵，再加上有得烧烤任食任饮嘅餐厅。假日价钱系一个人$188，另加一，可以食两个半钟。-餐厅有个雪柜比人拎烧嘢食嘅食材😙，每份都独立包装，好卫生👍🏻！烧完仲可以落啲孜然粉、七味粉同椒盐粉调味。虽然佢哋都有提供牛油同蒜茸，不过金菇同娃娃菜真系唔知点烧🤣。食咗咁多款，我哋一致认为猪颈肉🐖、鸡翼🐥同埋鱿鱼🦑最好食，串烧一般🥴。不过个炉除咗啱啱换咗新嘅Gas𠮶段时间会几猛火，其他大部分时间都烧得好慢😐，完全冇烧嘢食嘅气氛，啲食物都几难熟😵‍💫。-除咗烧烤，讲明系日式放题，店主都有提供QR Code比我哋落单，可以叫前菜🥗、吉列炸物🍤同一啲熟食。不得不提个蟹籽沙律，都几大碗🤔，有机会系跟人头而安排份量。-食到最后，当然就系甜品时间，呢度有得任食雀巢雪糕🍦，分别有云呢拿同埋香芋味。因为天气冻，食完之后都几冻🥶。