影片
更多
2022-10-07
534 浏览
食在元朗系列，中午放饭跟同事车系元朗周围游揾食，比较难揾位拍车，最后系凤琴街附近车场揾到位，行唔太远就见到呢间师傅仔，茶餐厅格局，睇落环境都几光鲜，门口睇餐牌价钱唔太贵50蚊左右一份午餐，就入去试试啦。餐厅环境都唔算细，都有十几20张枱，卡位都几多坐得算舒服。今日几个人去食，每人都叫左唔同既餐，是日午餐餐牌已定左每日系食咩餐，今日都可以睇埋之后日子有咩食而决定边日黎会有d钟意食既餐。焗鲜茄鸡排饭小弟拣呢个，焗饭唔洗等太耐10分钟左右到左，都好够热，有好几件蕃茄，茄汁量都足够唔会太多或太少，略咸左dd，面头有d芝士，炒饭底够干身粒粒分明，捞埋汁岩岩好，鸡排有煎过几香口，系略慊细块左少少。热奶茶跟餐包热饮，奶茶算正常无特别出色。星洲炒米个量好大碟，同事见到有d惊吓，皆因佢比较细食怕食唔晒，我夹左2啖黎试试，炒米炒得都算干身，轻微咖哩味，叉烧火腿青椒丝呢d配料都好足，成碟野算几抵食。豉汁豆卜蒸排骨同事评价：排骨够腍，有软骨位，豉汁够味，豆卜吸汁，送饭唔错。咖哩牛肉饭睇色似马来咖哩，有d牛肉同薯仔，同事话咖哩唔够辣，味道争少少，比较一般d。榄菜肉碎炒饭又系大大碟，睇黎呢度d炒粉面饭都好足料，炒
餐厅环境都唔算细，都有十几20张枱，卡位都几多坐得算舒服。
今日几个人去食，每人都叫左唔同既餐，是日午餐餐牌已定左每日系食咩餐，今日都可以睇埋之后日子有咩食而决定边日黎会有d钟意食既餐。
焗鲜茄鸡排饭
小弟拣呢个，焗饭唔洗等太耐10分钟左右到左，都好够热，有好几件蕃茄，茄汁量都足够唔会太多或太少，略咸左dd，面头有d芝士，炒饭底够干身粒粒分明，捞埋汁岩岩好，鸡排有煎过几香口，系略慊细块左少少。
焗鲜茄鸡排饭
35 浏览
0 赞好
0 留言
热奶茶
跟餐包热饮，奶茶算正常无特别出色。
热奶茶
24 浏览
0 赞好
0 留言
星洲炒米
个量好大碟，同事见到有d惊吓，皆因佢比较细食怕食唔晒，我夹左2啖黎试试，炒米炒得都算干身，轻微咖哩味，叉烧火腿青椒丝呢d配料都好足，成碟野算几抵食。
星洲炒米
20 浏览
0 赞好
0 留言
豉汁豆卜蒸排骨
同事评价：排骨够腍，有软骨位，豉汁够味，豆卜吸汁，送饭唔错。
豉汁豆卜蒸排骨饭
9 浏览
0 赞好
0 留言
咖哩牛肉饭
睇色似马来咖哩，有d牛肉同薯仔，同事话咖哩唔够辣，味道争少少，比较一般d。
咖哩牛肉饭
11 浏览
0 赞好
0 留言
榄菜肉碎炒饭
又系大大碟，睇黎呢度d炒粉面饭都好足料，炒饭有镬气，味道几香，饭唔算湿，但落油多左dd，同事话好大碟要打包半份走。
榄菜肉碎炒饭
13 浏览
0 赞好
0 留言
整体黎讲食物份量质素都唔错，价钱系元朗50蚊1份午餐算系中规中矩，环境都算舒适，最紧要系d阿姐服务态度都几好几多笑容，好少茶仔可以做到咁，呢方面算几难得。
张贴
