影片
更多
2024-09-11
249 浏览
今日去咗葵芳探bb同bb玩，玩完之后就去新都会tea time，朋友就拣咗系5楼既the pantry 。餐厅环境好宽敞，因为分开咗2边，座位好阔好松动，装修又好优雅，成个气氛都好舒服☺️每张凳下边都有个篮俾你放物品，十分之贴心🫶Waffle Combo $118有三款唔同口味嘅窝夫，每款有两件，可以同朋友share食，窝夫嘅吉士馅，忌廉都唔会太甜。加埋新鲜生果，甜而不腻，啱晒啲想食甜品但又怕甜嘅朋友仔🤓Cast Iron French Toast $65法式多士好新鲜！外皮煎得香香脆脆，内里好软滑，加埋啲拖肥碎碎，配埋一定唔会输嘅云呢拿味雪糕。我自己都KO咗成碟，真系好好食🤤Salmon Risotto Bowl $168成个意大利饭用咗面豉去煮，比较偏日式嘅做法。味道特别得来，加埋日式温泉蛋，捞埋晒成个饭好好味好夹👍🏻饭既texture唔会太硬，亦都唔会太腍，几有咬口。三文鱼好新鲜，煎到外脆内滑，保留返佢原汁原味🤩Calamari Squid Ink Pasta $142墨鱼圈又大又新鲜，仲要切到好厚但又唔会煮过龙。Pasta煮到岩岩好，够晒al dante 仲好挂汁！Chocola
餐厅环境好宽敞，因为分开咗2边，座位好阔好松动，装修又好优雅，成个气氛都好舒服☺️每张凳下边都有个篮俾你放物品，十分之贴心🫶
Waffle Combo $118
有三款唔同口味嘅窝夫，每款有两件，可以同朋友share食，窝夫嘅吉士馅，忌廉都唔会太甜。加埋新鲜生果，甜而不腻，啱晒啲想食甜品但又怕甜嘅朋友仔🤓
Cast Iron French Toast $65
法式多士好新鲜！外皮煎得香香脆脆，内里好软滑，加埋啲拖肥碎碎，配埋一定唔会输嘅云呢拿味雪糕。我自己都KO咗成碟，真系好好食🤤
Salmon Risotto Bowl $168
成个意大利饭用咗面豉去煮，比较偏日式嘅做法。味道特别得来，加埋日式温泉蛋，捞埋晒成个饭好好味好夹👍🏻饭既texture唔会太硬，亦都唔会太腍，几有咬口。三文鱼好新鲜，煎到外脆内滑，保留返佢原汁原味🤩
Calamari Squid Ink Pasta $142
墨鱼圈又大又新鲜，仲要切到好厚但又唔会煮过龙。Pasta煮到岩岩好，够晒al dante 仲好挂汁！
Chocolate & Strawberry Milkshake +$25/each
Tea set 可以加钱upgrade做Milkshake。朱古力奶昔入边充满着朱古力碎，唔会太甜，又有咬口。
士多啤梨奶昔入面有士多啤梨酱挂杯，充满着浓浓嘅士多啤梨味，唔会假到似药水🫰
服务方面真系要俾足100分❗️
经理知道我哋同行有BB ，即刻安排咗BB凳
好细心咁安装之后仲教我哋点样用🥹
另外落单个阵，staff见到我哋有BB就特登remark左个饭煮腍啲+生蛋分开上，咁就可以方便BB食😍
今时今日咁嘅服务态度加观察力，简直攞满分💯！十分推荐俾有bb既朋友 呢间绝对系baby friendly餐厅！🥰
好味度：8.5/10
回头度：8.5/10
🎡餐厅资料
餐厅名称：The Pantry Cafe
餐厅地址：葵芳兴芳路223号新都会广场5楼531-540号舖
营业时间：星期一至五 11:30-22:00 星期六至日 10:00-22:00
张贴
