王朝潮順館

营业中

休息中

中午经过嘅时候发现原来唔知几时依度开左间新餐厅，之前都完全无为意，系咁啱经过见到有人喺门口介绍，又见中午lunch set都几啱食，就谂住试下。里面系新装修，所以都几新净，而且餐厅几宽敞，具有空间感，我地两个人坐圆台都坐得几舒服。午市套餐有8款可以拣，见到当中有个系陈村粉，我之前无食过所以本身唔系好知咩嚟，但见朋友讲到中意食而且平时又比较少见到，咪谂住试下，所以我地两个都叫左个干炒爽肉陈村粉($55)。结果野食嚟到我第一个反应就系觉得好似干炒牛河😂 原来陈村粉有啲似河粉同肠粉嘅混合体，扁平宽身，我第一次食觉得几特别。而且佢嘅口感食落好薄同滑，觉得唔错几好食，爽肉都好软嫩。成碟粉面炒得好有镬气，味道都觉得好似真系食紧干炒牛河，而且分量都多，食完好饱。第一次食依间餐厅觉得环境同食物质素都几好，套餐包埋饮品免加一，下次会再嚟试下其他野食。