猛醬兄 (已結業)

晚餐于外卖平台揾到猛酱兄，睇过餐牌家人认为可以试下。我地叫咗去骨海南鸡冬阴功米线，特色去骨海南鸡饭，瑞士鸡翼，慢煮冬阴牛面肉。先讲家人的海南鸡米线，都几辣，整体OK但并无太大惊喜。而我叫的去骨海南鸡饭好味，份量亦都足够。瑞士鸡翼有4只，但其中一只的外观麻麻，其实呢个情况唔应该出餐，因为真系好明显。至于个牛面肉，相对就争咗啲啲，牛味方面过浓，我同家人唔太钟意。猛酱兄食品的价钱大众化，希望可以慢慢调校食物的味道及质素。