山下

营业中

休息中

我上网睇过好多人介绍食间餐厅，见到好多好评，就姑且去试一试，当然，喺香港要食到好食嘅铁板烧系可遇不可求，有啲地方连块铁板都未处理得好，更莫讲话处理食材。讲返正题，我之前已经BOOK左枱，所以唔洗等位就可以直入，但个职员就唔知点解有啲黑面，我谂紧系咪我太敏感，我问我男朋友有冇FEEL到怪怪地，好彩佢都FEEL到啲服务系唔太欢迎我咁款，但我地都冇咩点理，因为我地去食铁板烧姐，服务好咪当BOUNS，差嘅就由得佢。但坐低左就睇到问题嚟喇，佢用嚟清洁个铲同铁板块布非常污糟，唔系话普通有渍嘅正常损耗，而系直头见到有焦黑嘅食材痴住左，我就担心紧块布嘅污糟嘢系痴左几多日....讲返食物嘅味道，以依个价钱嚟讲，佢嘅出品系合理嘅，只系我睇见块布已经冇左一半胃口姐，加埋职员态度有待改善。