沙嗲王 (已搬遷) 新店位置

三点几去到唔洗等就有位，我同朋友齐叫左个蒜蓉牛油鸡翼拼薯条同水牛pizza。食物坐左冇几耐就送到黎。呢到既水牛pizza本身第一次食，睇图以为个size都会正常大，点知原来得甘细旧，理想同现实真系有好大既出入。不过个pizza味道都不错，甜酸适中，咬落有微微的芝士丝，pizza皮都焗得好香脆。蒜蓉牛油鸡翼真心觉得好食，热辣辣上枱，鸡翼外表睇落好饱满，啖啖肉既感觉，食落有浓浓既蒜蓉香，而且食落个脆皮同肉都冇分离，好好味，三只鸡翼话甘快就食晒，薯条都炸得不错，另外有四条类似墨鱼条既野食，味道都唔错，但薯条份量都真系唔多，我同朋友都好快食哂。虽然味道系ok，但如果呢个价钱再加一就唔系太抵食，份量实在少左d，食得唔太饱。