意粉屋 (已結業)

今日同同事美女J同美女C食晏，嚟咗呢间成日都订唔到台湾仔意粉屋。嚟到又唔系好多人，唔明点解成日都订唔到台。要咗个茄汁猪肉肠意粉、pizza同埋个菠萝鸡肉炒饭。个意粉个汁同埋啲肠都几好食，意粉稍谂；个饭就真系好似普通菠萝炒饭，无乜特别；反而个pizza就最好食，香、足料得嚟又唔干。一如我一直以嚟所相信咁，Pizza Hut意粉比pizza好食，意粉屋pizza比意粉好食。侍应服务态度唔错，有礼貌，亦主动关心顾客需要。另外，环境亦相当舒适，我挂住同两位美女吹水吹到过晒钟都唔知。