韓珍 (帝國中心) (已結業)

今晚去左间喺尖东既韩国餐厅食野，店内员工主要都系用英文同食客沟通的。店员就介绍我地食2人餐，会抵食啲，我地见啲野都岩食所以order左。转过头就拎左好多小碟同菜比我地，腌制既开胃菜都唔错。韩式桃汁，少量果肉，唔算好甜。牛油果生果沙津，牛油果偏熟所以够香，如果少啲沙津酱会更好。烧肉拼盘，有五花腩、猪肩肉同牛肋骨。全程都有侍应帮我地烧，唔洗我地郁手。牛舌，切得有少少厚度，食起黎有啲咬口。牛胸肉大酱汤，个汤几浓，倒个饭落去捞埋食又唔错！五花腩烧完好爽口，建议用菜夹埋黎食无咁油。猪肩肉就相对地腍，够肉味。牛肋骨，上左酱汁，腌过非常入味！最后仲有杯雪糕。