影片
更多
2009-04-20
43 浏览
平日夜晚，九龙塘又一城系一个聚旧嘅好地方，因佢系位处我地几个旧同学工作嘅中间点，非常方便。见PizzaExpress四月头进驻入又一城，今次时间啱啱好，因为佢地已经run咗好几个星期，以为万无一失。星期五一朝早打去，订枱顺利。我地三个亦准时去到。正当大家见面之际，我地即刻第一件唔系讨论吓menu先，而系进行服务大清算，原来大家早几分钟入门口所经历嘅事大致相同。入门口当然会有waitress问你几多位，我地好自然答佢订咗枱，咁我亦好清楚讲出订枱的详细资料，点知佢揾唔到，跟住问我用咩电话号码订，又系揾唔到，揾咗半分钟，终于知道，但最屎一点系，佢竟然说："(指住我啲朋友)你啲朋友咪喺𠮶边啦"，不但唔带位，仲好似觉得我唔系应该睇到我啲朋友已经到咗咁咩，真系吹到啤一声。呢间嘅做法比较地道，唔系净得a la carte，佢地提供2, 4 or 6人套餐，我地选择咗佢嘅Family Feast天伦乐(for 4人用)，另再加一个starter。而且几个餐入面嘅每一项目(例如：沙律，Pasta and Pizza)，都可以随意由餐牌入面所选择，极之有弹性，呢点我系非常欣赏嘅。我地谂住落order，我地
星期五一朝早打去，订枱顺利。我地三个亦准时去到。正当大家见面之际，我地即刻第一件唔系讨论吓menu先，而系进行服务大清算，原来大家早几分钟入门口所经历嘅事大致相同。入门口当然会有waitress问你几多位，我地好自然答佢订咗枱，咁我亦好清楚讲出订枱的详细资料，点知佢揾唔到，跟住问我用咩电话号码订，又系揾唔到，揾咗半分钟，终于知道，但最屎一点系，佢竟然说："(指住我啲朋友)你啲朋友咪喺𠮶边啦"，不但唔带位，仲好似觉得我唔系应该睇到我啲朋友已经到咗咁咩，真系吹到啤一声。
呢间嘅做法比较地道，唔系净得a la carte，佢地提供2, 4 or 6人套餐，我地选择咗佢嘅Family Feast天伦乐(for 4人用)，另再加一个starter。而且几个餐入面嘅每一项目(例如：沙律，Pasta and Pizza)，都可以随意由餐牌入面所选择，极之有弹性，呢点我系非常欣赏嘅。
我地谂住落order，我地打算佢嘅地嘅set(Family Feast)，再另加一个starter。我首先叫咗个starter先，但系好似打乱咗待应姐姐嘅脑筋咁，佢叫我点咗个set嘅菜式先，佢地似系一啲freelance性质未经训练嘅待应咁。
摆碟真系出奇，订枱时明明系三位，成日当咗我地系四位，餐具永远要摆多一份，叫极都唔收。
上菜时间非常有问题，唔知佢系咪赶住翻枱嘅关系，连第一道菜都未食完，已经上埋其余四道菜。
讲返食物方面：
1. Lemon Iced Tea - 我地将汽水转做冻柠茶，因为我地全部要柠茶，唔知系咪呢个关系，佢地比咗个类似中国茶楼饮茶嘅茶壶嚟装糖浆，虽然同餐厅格调有啲不协调，但系就非常可爱。茶味欠奉，不过系unlimited refill，而且待应会自动自觉为你添饮，算做抵饮嘅。
2. Baked Mushroom 焗磨菇 - 第一款系舖上mozzarella cheese喺面嘅磨菇，另一款系酿入白汁、香草汁嘅磨菇，两种同样惹味，伴以焗面包球，一个轻怡的头盘。
3. Garlic Bread 蒜茸包 - set入面仲有焗面包球嘅选择，但系因为之前我地自己叫嘅starter入面已经包埋，所以我地叫咗个大家都未试过嘅蒜茸饱，其实呢个包毫无特色，亦唔见得好味，包做得唔脆的，蒜茸味又唔强，如果可以，我情愿拣返面包球。
4. Salade Nicoise "PizzaExpress" 尼斯沙律 - 配料非常丰富，有吞拿鱼、鸡蛋、银鱼柳、酸豆、薯仔、火箭菜、olive，配咗一种佢地自制嘅沙律酱。有段小插曲：落胡椒粉亦有问题，待应先生竟然转动磨胡椒工具半个圈就收手，又唔问我地够唔够，之后人影都唔见埋。
5. Spaghetti al Frutti di Mare 大虾海鲜意粉 - 意粉用嘅粗幼适中，但煮得唔特别烟韧弹口，茄汁味亦唔鲜唔浓，非常淡味，净啲感觉唔到茄味的存在，配料选多种类，但质素只是一般，最靓嘅算系虎虾，好爽好弹口。
6. Tartufo "Roman" Pizza 松露火腿薄饼 - 全晚唯一觉得值回票价之菜式，松露汁、野菌、火腿、茄子、Parmasan cheese、松露，芝士味浓，这是每一个Pizza好味嘅完素之一，呢点佢达到了，加埋大大块嘅茄子，火腿，我相信呢个Pizza最重要嘅精髓在于佢落咗松露油，真的好香，完全引出每一项食材嘅味道出来。
7. Chocolate Glory 贵族朱古力蛋糕 - 其实佢同另一款menu上嘅dessert "Chocolate Fudge Cake"系二曲同工，只不过呢次嘅蛋糕系切到一个cube嘅大小，而主角系Vanilla雪糕，用一只杯去盛载，感觉高雅，唔怪得之连个名都有"贵族" 两字，不过因为啲蛋糕唔系热嘅，就冇咗同冻冻雪糕发辉冷热微妙感觉之作用。
8. Tiramisu 意式芝士饼 - 佢嘅蛋糕真系浸咗满满的酒，这点我地都觉得系食得非常满足，只不过上面嘅cream就太过硬同太过厚了，另到感觉有啲腻，这个在同场嘅Little Italy就做得比佢好了。
Comments: 以食物嚟讲还可以，但讲到服务就有待改善，我同学连最后一块pizza仲拎住喺手上食紧，佢地已经问都唔问就开始收碟，我同学嘅碟连餐具都一并收哂，真系出奇，非常之唔专业。虽然我之前亦都去过其他分店两，但我今次嘅经历，另我终于明白到之前听其他朋友所遇到的不快感觉，下次去呢间店之前，真系要认真考虑。
张贴
