老三火鍋雞煲海鮮放題

营业中

休息中

对上一次喺外面食火锅已经系一年前，呢段时间买咗个蒸气火锅嘅架后，想打边炉都系喺屋企，始终要洗嘢，每次食完都搞到好晏。前排朋友话呢间任食嘅火锅店有我钟意嘅白鳝片，而且价钱都几抵，即刻重燃出去打边炉嘅热诚。餐厅都几多卡座，另外有几间房，中间系圆枱，我觉得坐得都算唔错，落单后食物好快到，质素都几好，另一点好满意系所有职员都好有礼貌，比我感觉好好。先食鸡煲，份量唔会太多，每人几件，我哋呢个虽然走辣，但系都好惹味。之后点咗个清啲嘅芫荽皮蛋锅，第一次见会落埋粟米蕃茄，菇类。每人会上一份鲍鱼花胶海鲜盘，每份6款海鲜，鲍鱼好新鲜喺只碟度仲识得旭，亦有洗刷干净，蚬无沙，虾都几大只，扇贝就普通。开始唔洗画纸，职员会按人头上一啲食物，食过好味再落单。白鳝片，龙趸肉系我最期待，鳝片虽然唔系好肥，不过都几滑，唔鞋。龙趸肉都几新鲜。安格斯牛肩胛，唔肥，又唔韧，不过牛味唔浓。手打虾丸几弹牙。呢度嘅鹅肠好味，鸡子都几大粒。仲有雪糕任食。饮品好多都啱我饮，除咗罐装，仲有一渣渣嘅自家凉茶。