川上龍 (已結業)

今晚三个女人一齐试新野！ 平日夜晚去都有八成满，一去到俾鸡煲味吸引左，叫左半份鸡煲正常辣。鸡煲一黎到已经熟透，只要用电磁炉番热就食得！正常辣对于普通女仔应该岩岩好，但中意食辣既我就觉得唔够惹味，可以加多d香料，而鸡都唔够底味，略嫌事前功夫做得唔够。但都有可取之处，就系份量非常充足，竟然有上海年糕做配料，年糕够哂入味又可以饱肚，所以我地就冇叫到饭面啦 贪心既我觉得如果可以额外再加年糕就好啦！呢个避风塘茄子，炸粉较厚，食两三旧都济。因为d粉太厚，蒜同辣椒虽然炸得香口，但同茄子都唔能够融合，各有各食，麻麻地。 环境方面都坐得舒服又冇时间限制，但坐到十点左右，冷气变得非常微弱，但场内仲有四五枱，仲有人食紧鸡煲...整体黎讲，呢间川菜仲有进步空间。