川味閣

营业中

休息中

我一直只是用food panda 帮衬呢间舖头外卖已有一年有多。食物质素方面，我觉得OK嘅,价钱合理份量亦都合理，但本人近日第二次赏面光临堂食，换来极不愉快的经验首先佢哋要求食客自己用手机扫QR code order,因为我系住附近嘅居民，一是没有带手机系身，一个着红色衫，戴眼镜嘅肥男人唔知🤔系咪侍应, 好似好唔情愿咁样帮我要人手落order，开头我落咗三𩠌，之后佢问我要唔要嘢饮，我话唔要，跟住佢就冇重复我个order已经走咗。更荒谬的事情接着发生，我唔够3分钟想再加多一个𩠌，佢落完之后同我讲话叫我一次过讲，（好冇礼貌）我唔知佢系边个老细啦，但系呢件事总之令我当堂眼都突°呢啲服务态度真系好赶客，几好食都好都会令人心情觉得难受！其实食嘢除咗讲食物质素，服务态度都好紧要，希望呢个员工如果有机会见到呢篇文章唔该去检讨一下啦，尤其呢啲系街坊生意！大家如果有兴趣去食，我唔会唔建议，不过你有心理准备服务系没有的！中途我净系见佢不断同啲熟客吹水，我谂佢应该觉得我系新客，所以唔需要比服务！之前个客人食完𠮶张枱，又唔抹下佢出边食嘢，真系要自己处处留神，其实呢啲街坊生意根本唔应该做到咁差！