意粉屋 (太古城中心)

营业中

休息中

去到太古城谂住食啲好safe啲既餐厅，最后就㨂左食意粉屋。一入到去都觉得都一般，唔会太迫人。但系慢慢就觉得真系有啲嘈，仲嘈到有啲头痛，一来个background music个speaker太近我地枱，二来啲职员系度整理餐具，三来open kitchen里面既员工讲野都几大声。令到个环境都几嘈杂。讲返野食，我地叫左个 20cm法式焗忌廉菠菜田螺伴薯蓉，双重芝士焗海虾蟹肉意大利粉 同 珍实杂锦薄饼。20cm法式焗忌廉菠菜田螺伴薯蓉 - 感觉都稳阵无咩出事，田螺无沙无咩问题。双重芝士焗海虾蟹肉意大利粉 - 如果你系芝士控都会几开心，因为佢落芝士既份量一啲都唔少，而且个味道都唔差。系有少少太过浓味有啲留。多啲人share就会几唔错。但系蟹肉既味道就可能比其他食材盖过左。珍实杂锦薄饼 - 芝士份量都唔少，拉丝系唔少得呀啦。而且味道都好错，同pizza hut果啲基本上系差唔多。