大漠 (已結業)

有日(都好几个月前)流沙包神神秘秘话去土瓜湾食饭, 对于我地住元朗既人黎讲交通真系几唔方便(虽然我地系放佐工系尖沙咀出发过去), 流沙包话去食新疆菜, 去佐间叫大漠既餐厅, 果度舖仔细细, 有个肥仔埋黎推介, 几有礼貌, 服务几好, 我地叫佐个葱烤饼, 一个荔枝鸡球, 一个羊架(肥仔推介五成熟), 一个酸辣海鲜汤. 个海鲜汤超劲辣呀, 不过味道系唔错, 同埋一碗仔里面已经落足料, 有鱼, 青口, 鱿鱼, 蟹柳等等; 个葱烤饼有四件, OK; 个羊架真系好味, 我平时唔多食羊, 因为怕膻, 但觉得黎到食新疆菜唔食羊又好似争紧D, 于是听肥仔推介叫佐呢个, 果然系唔膻㖞, 仲几好食添; 个荔枝鸡球都好得意, 味道甜甜地又酸酸地咁, 几开胃, 同埋有好多粒荔枝呀, 好食. 系一间用心有诚意既餐厅, 值得一试~~