一樂日本料理 (已結業)

好开心揾到呢间放题同男朋友享受咗好多平时我哋好少会去食嘅日本料理！首先讲讲餐厅嘅地点同环境先！佢系楼上舖嚟嘅，虽然系咁，但系佢唔系太难揾，出咗地铁站行几分钟就可到达。餐厅环境方面，佢嘅装潢好有日本风，主调系好舒服嘅木色系，分布有好多圆枱同卡位，场地布置好适合朋友聚会！餐厅亦有播放日本动漫音乐，节奏轻快，男朋友听到几首佢钟意嘅音乐，好开心xd 食物方面，刺身质素很不错！非常新鲜，同时又十分厚身，温度刚刚好！咬下去每一口都冰冰凉凉，肥美又充满鲜味！寿司种类亦有很多，推介火灸三文鱼腩同鳗鱼寿司！饮品方面，餐厅有提供十多款供我哋任饮！有果汁，汽水，啤酒等等等！除了以上提及嘅基本嘢外，呢间仲有提供热嘅熟食，呢一点我哋好欣赏！因为佢牛舌串烧好juicy, 炸物种类又丰富(推介黄金软壳蟹！) 食完好多生冷嘢又可以饮下热汤中和下！(推介古法原盅鸡炖翅)