影片
更多
2017-10-04
1674 浏览
呢座广场楼上开左好多唔同食店, 行经呢个舖位见门口放满花蓝, 应该系新店开张, 门口笑容灿烂既姐姐热烈招呼介绍再望下呢个灯箱...........哦...原来系食日式火锅放题刚岩肚饿指数甚高, 放题?! 岩数㖞! 食店面积都几宽敞, 以黑色为装修主色, 比人种型格及几高档次感觉, 坐得都几舒服!呢度既套餐由$178 - $378, 而选择套餐($288)已经可以包埋海鲜类汤底8选1, 由清淡既昆布到浓味既寿喜烧 (加$10)都有, 惊喜发现有个棉花糖汤底 (加$20), 好够创意!系我地谂紧要边款汤底好之际, 侍应口头推介呢个用先爆香龙虾头蕃茄再加汤煮返滚, 等佢一路滚起, 龙虾头中既膏同油就会渗出黎, 当然先饮头啖汤.............呜......好香龙虾味呀, 果然无介绍错 (每日供应10客咋, 点选最贵价果2个套餐仲可以无需另加钱, 但要比钱都系$20姐......抵比㖞!)除了肉类及海鲜类系落单送上, 其余火锅配料如菜, 菇, 丸, 乌冬面类等都系自己拎碟出去拎, 种类咁多, 究竟我可唔以试晒呢到每样配料呢?! (哈...哈........)唔想火锅咁闷? 可以去拎
再望下呢个灯箱...........哦...原来系食日式火锅放题
刚岩肚饿指数甚高, 放题?! 岩数㖞! 食店面积都几宽敞, 以黑色为装修主色, 比人种型格及几高档次感觉, 坐得都几舒服!
呢度既套餐由$178 - $378, 而选择套餐($288)已经可以包埋海鲜类
汤底8选1, 由清淡既昆布到浓味既寿喜烧 (加$10)都有, 惊喜发现有个棉花糖汤底 (加$20), 好够创意!
系我地谂紧要边款汤底好之际, 侍应口头推介呢个用先爆香龙虾头蕃茄再加汤煮返滚, 等佢一路滚起, 龙虾头中既膏同油就会渗出黎, 当然先饮头啖汤.............呜......好香龙虾味呀, 果然无介绍错 (每日供应10客咋, 点选最贵价果2个套餐仲可以无需另加钱, 但要比钱都系$20姐......抵比㖞!)
32 浏览
1 赞好
0 留言
除了肉类及海鲜类系落单送上, 其余火锅配料如菜, 菇, 丸, 乌冬面类等都系自己拎碟出去拎, 种类咁多, 究竟我可唔以试晒呢到每样配料呢?! (哈...哈........)
唔想火锅咁闷? 可以去拎沙律, 前菜, 寿司
饮品都照顾埋, 汽水/啤酒/特饮, 以及茶/咖啡都有
你以为咁就完?! 仲有熟食比你食住打, 打住食, 务求令你个咀每一刻都有野食...................
我地点左极上澳洲和牛+海鲜放题 ($378/位)
套餐已包埋挪威三文鱼刺身, 过下口过瘾都唔错!
16 浏览
0 赞好
0 留言
特级美国豚腩肉, 一D都唔肥㖞, 烚完口感仲几嫩滑, 唔会变成瘦肉片, 呢款不禁要黎多round!
美国豚腩肉
25 浏览
0 赞好
0 留言
套餐亮点 - 极上澳洲和牛出场, 卖相摆盘吸睛, 肉色鲜艳明亮, 唔会暗瘀色令你睇见都唔想食; 食得和牛就唔会介意佢D脂肪, 烚完食肉同脂肪既比例岩岩好, 切成薄片更容易控制生熟度, 基本上15秒内就可入口, 肉质嫩滑可口!
极上澳洲和牛
19 浏览
0 赞好
0 留言
偏好肉味较浓既可以试呢款极上美国牛小排, 切得大块过和牛片, 又系好快烚一烚就可以, 肉味浓郁过和牛, 真系澳洲同美国牛既大比拼!
极上美国牛小排
35 浏览
0 赞好
0 留言
套餐另一亮点当然系呢个海鲜拼盘, 食材包括日本帆立贝, 日本鱿鱼, 日本广岛蚝, 大海虾, 纽西兰青口及加拿大翡翠螺, 阵容强劲! 推介必食大海虾, 够大之余D肉够结实弹牙; 广岛蚝烚完都唔会变成蚝BB, 蚝味几出!
海鲜拼盘
38 浏览
0 赞好
0 留言
食完主食, 唔知点解饱极都仲有"位"留比甜品架㖞, 呢度甜品都有唔同款式, 绝不欺场, 例如泡芙, 朱古力蛋糕, 芒果黑糯米, 豆腐花等, 仲有自助软雪糕机, 有不同toppings比你加, 每样食D都好似去左甜品放题咁样呀!
11 浏览
0 赞好
0 留言
Like 佢 facebook/关注IG 并发布有关相片, 仲可以送你MOVENPICK迷你雪糕杯/三文鱼刺身一客
限时任食90分钟, 可恨呢度食物太多, 胃口未能一一招呼晒; 侍应服务态度良好, 不时主动加汤及收碟, 放心.........................我一定会再令自己变成更强"饿底"然后再返黎既
张贴
