馬六

营业中

休息中

午饭时间唔系好饿所以冇食午餐，等食下午茶时间。今日试吓这间马六，平时午餐时间系要排队，下午茶系冇乜人。入到去只系得3-4人，侍应话卡位留咗，但系留位又冇放牌😑，咁我是旦揾位坐。下午茶餐都好多选择，我拣咗鸡丝扎肉汤米线配南洋咖啡。鸡丝扎肉汤米线汤底系鸡汤，好浓嘅味道，鸡丝好滑👍🏻扎肉冇乜特别，豆腐泡系冻嘅，米线出奇地煮得好，弹牙唔会过淋👍🏻好好好少少嘅芽菜😑南洋咖啡味浓，好有风味👍🏻食紧野期间有位男顾客埋单付款时投诉侍应的服务态度好差，侍应回应一句「「一向系咁」」，男仔客人继续投诉不过侍应没有任何回应，待男客人离开，侍应就反话返该客人咁麻烦跟住大约过了5分钟。有另一枱客人投诉，2个女人起身正想出去埋单，因为其中一个我估系阿妈要背乐器所以仲向卡位，侍应执枱倒泻水，没有道歉走咗去，个阿妈投诉点解客都未起身就赶住执枱⋯其时阿妈一直拎纸巾抹件乐器外盒，个侍应只系讲柜筒有纸巾但系冇主动帮手抹，完全只系望住厨师煮嘢食系好味，但系侍应服务态度真系会影响成间店。