和味館 (已結業)

放左工同同事黎到佢屋企附近的一间新开食店试试，地方超大，枱与枱间好濶落，加上冷气足够，感觉不错啊！先开壶普洱茶，仲有花生小食，茶几香，最紧要够滚。秘制少林骨煲唔知食咩好，店员推介左呢样，听个名真系唔系好知系咩黎，上到枱时好香啊，即刻食俗大增。有啲似香蒜蜜糖金沙骨，但仲多左黑椒味，甜甜蜜蜜加上黑椒香，香口惹味，啖啖肉好好味。黄金茄子凉瓜呢味不得了，如果你系咸蛋黄控必定要点！！超劲的咸蛋黄啊，入口回味无穷～每一件都系满满的咸蛋黄，凉瓜爽脆不苦涩，茄子软腍多汁，两样不同蔬菜各有特色，但两样都超好味，食不停口。生煎莲藕饼仲点左莲藕饼，煎得金黄色相当吸引。咸香的猪肉饼内有脆口的莲藕粒，简简单单又几好味，附上喼汁点，但个人觉得有沙律酱会更棒，哈哈。白饭都好大碗，热辣辣的。有糖水送，可选红豆沙或绿豆沙，两样都不太甜，适合现代人口味呢。餐牌，价钱大众化，抵食！𩠌菜大大碟，两个人点三样有点太多了，超级饱啊，哈哈，好满足。