韓屋

营业中

休息中

话说有日想食韩国菜，咁去尖沙咀实拣到一间啦。喺个list上面，呢间韩屋属于高分一族，咁我就太放心入场，点知⋯⋯环境✅✅老实讲，舖仔细细放咗廿几个位，话唔逼就假。仲要我坐近厨房，油烟喷射到我全身，成个人入哂味。食物✅✅✅✅2个人点咗个牛膝骨汤加$20饭，再加酱炒牛肉石锅芝士拌饭。前者个汤几好味，只系比较多牛脂肪令个底嘅汤唔饮得，有啲浪费。后者个饭其实都好好味，韩式酱加牛肉好惹味，不过呢个饭真心有个败北位，可能成本问题，个饭好细兜，用嘅石锅都系细码，问题嚟了！唔够饭又唔够热就无饭焦（注：我喺韩国食过系有饭焦㗎！）加上份量都几细，做下午茶还可以，晚餐要$138，食完我出嚟即时揾地方食多一餐，咁样唔得啰。性价比✅✅其实间舖有另一个问题，系楼面得一个人，问题唔系招呼唔到咁多人，就系佢做完一轮个人hang机无反应，全程水都无杯，餐牌差啲系我自己落手攞，最后埋单仲见到「加一服务费」，好想问服务在哪？所以，呢间舖以后不了就系咁解。