亞參雞飯 (The LOHAS康城)

营业中

休息中

开店后已经系第二次过嚟食啦，两次都被安排坐喺好似「后行」嘅座位。自问唔算一个拣位嘅顾客- 冷气大小，系唔系路口位，搭枱，都唔介意，因为都明白餐厅地方有限。但我真系好希望负责设计餐厅同管理层真系唔该自己试吓坐下个位，先至去开店。先讲讲嘢食，两次都有食海南鸡饭，加上小食。海南鸡饭味道不错，份量也算多。虾春卷也炸得很好，不油腻。猪肉串也很好吃，多士就一般啦。员工服务也在进步，算是有礼貌，会提点食客，是看到大家也在努力。但坐位设计真系几差，如果两个人食，建议买外卖食，因为有极大机会坐「后行」位。海南鸡饭系用盘上菜，张枱细到净系可以摆到两个盘，咁小食同饮品系唔系应该唔好叫？今日嗌个虾春卷，最后个酱汁要摆喺筷子盒上。难以想像身形较大嘅食客用餐的感受。「后行区」有四张枱，收碟车不停贴住张枱经过。员工又会喺收碟车附近不停拍木盘和其他餐具，极近我哋食饭张枱。点解唔可以用收纳整个木盘的餐车，到洗碗处才再分类? 另外，少于1小时嘅用餐时间，已有送货车行走两次。唔好讲有冇疫情，都系唔卫生，同埋用餐亦好不舒服。真心希望管理层不要完全忘记从食客角度考虑营运连锁餐厅。